Fagleg heyrnargreining

Góð heyrn glæðir samskipti!

Sérfræðing þarf til að mæla heyrn og greina niðurstöður

Til að tryggja rétta greiningu er mjög mikilvægt að heyrnarfræðingur eða háls-, nef- og eyrnalæknir mæli heyrn og greini niðurstöður enda er kveðið á um það í reglugerð frá heilbrigðis- og tryggingamálaráðherra, en þar segir: „Heyrnarfræðingur eða háls-, nef- og eyrnalæknir skal annast mælingarnar með viðurkenndum búnaði.“
Heyrnargreining getur gefið vísbendingu um undirliggjandi sjúkdóm, ef þannig vísbendingar koma í ljós, eða einhverjir kvillar í eyrum, er sjúklingnum vísað til háls-, nef- og eyrnalæknis.

Stilling heyrnartækja byggir á nákvæmri og réttri heyrnargreiningu. Þeir sem fá sér heyrnartæki verða þess áskynja að það þarf þekkingu til að þau passi. Heyrnartækin þurfa að falla að heyrn og smekk þess sem notar þau og einnig hæfa því hljóðumhverfi sem notandinn hrærist í.

Hjá Heyrn sér heyrnarfræðingur um mælingu og greiningu og unnið er samkvæmt rekstrarleyfi heilbrigðis- og tryggingamálaráðherra. Heyrnarfræðingurinn er menntaður frá Gautaborgarháskóla og hefur hlotið löggildingu sænskra heilbrigðisyfirvalda og þar með réttindi til starfa á samnorræna vinnumarkaðinum.

HEYRN ehf, Hlíðasmára 19, 201 Kópavogur, kt: 590307-0920,
sími: 534 9600, netfang: heyrn@heyrn.is

HEYRN ehf, Hlíðasmára 19, 201 Kópavogur, kt: 590307-0920, sími: 534 9600, netfang: heyrn@heyrn.is